Josephus Borrell, socialista Catalunus, novus praeses Parlamenti Europaei die 20 Iulii factus est
Thema hebdomadis:
USA Latinorum
In paucos decennios Mexicani ‘inundabunt’ Civitates Unitas Americae Septentrionalis (USA) sicut Europam Occidentalem ‘inundant’ hodie Arabes - Samuel P. Huntington, auctor praeclarus libri ante undecim annos in lucem editi "Pugna cultuum" inscripti, monet in percontatione ab actis hebdomadalibus Theodiscis "Die Woche" mandatis.
Immigratio ‘Latinorum’, i.e. hominum e terris Americae Latinae, praesertim e Mexico, venientium, ultimis decennis civitates meridionales USA inhabitantium, omnino alia est quam praeteritae undae immigrantium, quas quoddam post tempus facile America absorbuit – putat Huntington. Nam – dicit – primum in historia USA homines aliam, i.e. non Anglicam, linguam loquentes aliumque cultum civilem colentes iuxta terras suas patrias, scilicet Mexicum Hispanice loquentem, colonias condunt, ubi mox partem maiorem hominum agunt et hos veterum habitantium qui remanent potius ipsi linguistice absorbent (quod e.g. in Miami, urbe capitali civitatis Florida, a Cubanis nunc plerumque inhabita, inspici potest: qui Anglosaxones manserunt in urbe, Hispanice in viis, tabernis, cauponisque loqui coacti sunt). Ubi autem Latini non tam crebre habitant, linguam suam, aliter quam aliae gentes (Theodisci, Itali, Poloni etc.), his in locis etiam bene servant: et pueri et nepotes immigrantium Mexicanorum vel e Portu Diviti (Puerto Rico) oriundorum nunc Novi Eboraci et Anglice et Hispanice facile loquuntur. Ita mox – queritur Huntington - Quebec novum habebimus, hoc tamen cito crescens, ob novos immigrantes et maiorem quam apud Anglosaxones numerum puerorum (tres in medio per familiam), quos Mexicani habere solent. Iam nunc Latini crebriores sunt quam Nigri, anno autem 2050 quarta pars civium USA fient – addit.
Si ita res se habebunt – praedicit Huntington – Civitatibus Unitis ‘reconquista’ minabitur terrarum, quae duabus in bellis medio XIX saeculo peractis e Mexico arreptae sunt. Praeses Mexici Vincentius Fox immigrantes, qui regiones meridionales USA inhabitant, heroes appellat et se ipse praesidem 123 milionum Mexicanorum putat, i.e. 100 milionum qui in Mexico et 23 qui in USA habitant.
Et praeses USA Georgius W. Bush et aemulator eius e parte Democratarum Johannes Kerry, iam orationes Hispanice parant, quibus in comitiis proximis praesidialibus suffragia Latinorum conciliare possint.
Immigratio ‘Latinorum’, i.e. hominum e terris Americae Latinae, praesertim e Mexico, venientium, ultimis decennis civitates meridionales USA inhabitantium, omnino alia est quam praeteritae undae immigrantium, quas quoddam post tempus facile America absorbuit – putat Huntington. Nam – dicit – primum in historia USA homines aliam, i.e. non Anglicam, linguam loquentes aliumque cultum civilem colentes iuxta terras suas patrias, scilicet Mexicum Hispanice loquentem, colonias condunt, ubi mox partem maiorem hominum agunt et hos veterum habitantium qui remanent potius ipsi linguistice absorbent (quod e.g. in Miami, urbe capitali civitatis Florida, a Cubanis nunc plerumque inhabita, inspici potest: qui Anglosaxones manserunt in urbe, Hispanice in viis, tabernis, cauponisque loqui coacti sunt). 
Ubi autem Latini non tam crebre habitant, linguam suam, aliter quam aliae gentes (Theodisci, Itali, Poloni etc.), his in locis etiam bene servant: et pueri et nepotes immigrantium Mexicanorum vel e Portu Diviti (Puerto Rico) oriundorum nunc Novi Eboraci et Anglice et Hispanice facile loquuntur. Ita mox – queritur Huntington - Quebec novum habebimus, hoc tamen cito crescens, ob novos immigrantes et maiorem quam apud Anglosaxones numerum puerorum (tres in medio per familiam), quos Mexicani habere solent. Iam nunc Latini crebriores sunt quam Nigri, anno autem 2050 quarta pars civium USA fient – addit.
