|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
BIOGRAPHIAE
FRIDOLIN VON SENGER UND ETTERLIN De duce Germano, "qui Italos amabat atque intellegebat"
Atque 'proditionem', quam plerique ['non omnes!', addo ego] rerum gestarum scriptores ab Italis adversus Germanos patratam esse autumant, Fridus excusavit seu purgavit, quoniam cum regimine nazistico nulla facultas tractandi fuisset. Post proelium Stalingradense spem vincendi Germanis nullam exstare intellexit. Fridus narravit etiam cur Adolfo Hitler, qui anno 1938 in Italiam venit, molestus esset Italorum rex: quod enim hic omnibus caerimoniis adesset, demonstrabat a Benito compromissum quoddam (scilicet cum rege factum) acceptum esse, quapropter 'fascalium duci' non eandem agendi esse libertatem, qua uteretur Hitler. Etiam hac ex istorum regiminum discrepantia facile inferri poterat 'Axem' Germanos inter et Italos ictum non diutius mansurum. Plura de eo duce Germano invenire potes, lector care, his in paginis interretialibus: Theodisce http://tinyurl.com/2cumgg7 Italice (amplius) http://tinyurl.com/24su5u6 opinio diurnarii Sergii Romano http://tinyurl.com/28g548u Scripsit Sergius Romano/Victorius Ciarrocchi |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Fridus seu Fridolinus von Senger und Etterlin, qui
nobili familia catholica natus erat, duos annos Oxonii,
Britanniae in urbe, studuerat. Fluenter Anglice, Francogallice,
Italice loquebatur. Stipendia meruit atque multas expeditiones in
priore alteroque bello mundano a Germanorum exercitu habitas
participavit semperque indolem illius populi, contra quem
pugnavit, intellegere conatus est. In proelio prope Montem
Casinum commisso nihil intentatum reliquit ut multa opera pretiosa,
quae in abbatia Casinati adservabantur, in Vaticanum, non in
Germaniam, transportarentur. Statim ut fascalis regiminis naturam
investigare Fridus coeperat, istud regimen valde diversum ab
nazistico esse intellexit. Nam apud Germanos nulla auctoritas
erat, quae Adolfo Hitler adversari posset, dum e contrario in
Italia Benitus Mussolini suam ipsius potestatem semper cum aliis
viribus auctoritatibusque dividere sit coactus. Qua de causa
Italis viam quandam etsi tardiorem, ut e bello ipsi exirent,
fuisse putavit von Senger, quoniam Victorius Emmanuel III, rex
Italorum, Benitum deponere potuerit, ut die 25 Iul. 1943 re vera
accidit.
