Varsoviae nata
per rete divulgata
ad omnia scitu digna spectans

Martis die 19 mensis Martii 2024
AD NOVAM SEDEM:


Hae paginae nunc caducae sunt. Novam sedem Ephemeridis visitate, HIC:



Prima
Nuntii
Acta
Crater nugarum
Miscellanea
In orbe
Politica
Scientiae
Valetudo & medicina
Athletica
Oeconomia
Homines
Socialia
Percontatio
Religio
Opiniones
Insolita
Chronicae
Epistula Leonina
Sanctus
Matterae
In Tempore "Coronario"
Cultura
Historia
Biographiae
Cinemata
Libri
Cultus Civilis
Poesis
Ellenica
Gnomon
Otium
Ars vivendi
Periegetica
Crucigramma
Hebdomada aenigmatum
facetiae
Fabulae
Holmesiaca
Detector Vacca
Narrationes
Superbia & odium
Crabatus
Varia
Vita Latina
Textus varii
Scholastica
Epistulae lectorum
Tempestas
Qui simus
Archiva
Annus 2021
Annus 2020
Annus 2019
Annus 2018
Annus 2017
Annus 2016
Annus 2015
Annus 2014
Annus 2013
Annus 2012
Annus 2011
Annus 2010
Annus 2009
Annus 2008
Annus 2007
Annus 2006
Annus 2005
Annus 2004

RELIGIO

SANCTA LUCIA

Visus patrona

                                                

Sancta Lucia, Syracusis nata anno CCLXXXIII ibique mortua anno CCCIV p.Ch.n. fuit martyr Christianorum ineunte IV saeclo sub imperatore Diocletiano qui  Christianos insectatus est. Eam sive Catholici sive Orthodoxi sanctam venerantur et Idibus Decembribus celebrant. Una est  septem sanctarum  quae nominantur in Canone Missae; eam fideles invocant  patronam  oculorum, ut imagines ostendunt.  Reliquiae Sanctae positae sunt Venetiis in ecclesia ei dicata. Vitae Luciae tradita est codice Graeco Papadoupolos et Actis martyrum exeuntis V saeculi.

Nobili genere nata, cum orba patris fuisset adhuc puellula quinque annorum, a matre viro pagano desponsa erat, sed caste vivere maluit ut se Christo traderet. Mater Eutychia graviter aegrotavit: tunc ambo Catinam se contulerunt  ut  Sanctam Agatham apud sepulcrum obsecrarentur: dum Lucia  precatur  pro Eutychiae valetudine, obdormivit et apparuit in somnio ipsa Agathes quae sanitatem matris et eius sanctitatem futuram praedixit.  Postquam somnium verax  de Eutychia exstitit, in reditus via, puella studium castitatis et paupertatis matri ostendit. Donatis bonis pauperibus, tres annos se dicavit Syracusis  solaciis offerendis inopibus, aegris, viduis.  Procus cum amisisset sponsae dotem et ab ea repulsus esset ulciscens illam auctoritatibus imperii Christianam indicavit. In iudicio noluit deis paganis sacrificare. Tunc praefectus minitatus est Luciam ducere in lupanar, sed corpus magni ponderis factum est nec quisquam  eam tollere potuit; postea de arte magica accusata, oleo conspersa, posita est super ligna ut arderet, sed flammae virginem  non tetigerunt; demum genibus nixa iugulata est, agens vicesimum secundum annum. Non verisimile est fabula ex qua sibi oculos evellerit  vel a quodam extracti sint: imagines oculorum in patina vel in poculo fortasse ortae sunt a nomine quod a luce originem ducit.  Cultus religiosus Sanctae Luciae valde diffusus invenitur in Italia et in orbe, cum custos reputetur oculorum, caecorum, medicorum ophthalmicorum, peritorum electricorum, lapicidarum; qua re invocatur ad sanandos morbos oculorum, e.g. caecitatis, myopiae, astigmatismi.

Scripsit Johannes Teresi - 30/12/2022



.

.



BREVES Apud Africae civitatis Burkina Faso fines orientales coenautocinetum quoddam forte globum ignivomum subterraneum, qui vero per Islamicos terroristas ibi sitos humatus videtur, hodie conculcavit: homines ideo decem saltem displosione interisse quinqueque offensi esse computantur.
Laetissimum Diem Nativitatis omnibus lectoribus scriptoribusque ominamur!
Cum ante annum atque dimidium Bactrianae terrae potestatem Talebani obtinuissent, iura mulierum extemplo omnibus curae esse coeperunt, praesertim cum de muliebribus institutionibus cogitaretur. Acta diurna Bactriana "Tolo News" administratorum consilium, quod omnes pertimescebant, publicarunt: Bactrianarum mulierum accessus ad universitates "usque ad novum iussum" intermittetur.
Ipse partis conservativae "Fine Gael" rector Leo Varadkar, qui iam ab anno MMXVII usque ad MMXX primarius minister Hiberniae fuit, cum pristinus praeses Micheál Martin progressivus, sicut victorum sodalicii foedere sanctum est, post biennium (MMXX-MMXXII) abdicaverit, hesterno die Hiberniensis consul iterum creatus est.
Hesterno die pristini consularis petitoris Iairi Bolsonaro fautorum centena contra militiae civilis sedem Brasiliae impetum fecerunt, ut cum ad Aloisii Lula creationem tum ad seditionum ducis Josephi Xavante comprehensionem fastidium suum manifestarent. Cum coenautocinetorum quinque vigiliarumque autoraedas nonnullas seditiosi incendiavissent, tumultus cruentissimi evenerunt, quibus civis unus saltem vulneratus est.


SCIENTIAE
SOCIALIA
RELIGIO
SOCIALIA
RELIGIO

 

Latine loqui disce!!


Subnotationes fient
ante finem Septembris.

==============

=============

AMICI EPHEMERIDIS: