NUNTII

De candidato republicano eiusque vicaria

Sara Palin, gubernatrix Alascae, civitatis polo boreali proximae, vicaria erit Johannis McCain si ipse contentionem cum adversario suo Baraco Obama de sella praesidentis USAe vicerit. Conventus factionis republicanae, quae Sancti Pauli in civitate Minnesota habetur, militem aetate provectum candidatum praesidentialem designavit, qui inopinate mulierem omnibus ignotam vicariam delegit. Sara Palin, quattuor et quadraginta annos nata, mater est quinque liberorum, in Idaho studuit ut diurnaria foret; deinde vicum Alascanum ut praefecta rexit et gubernatrix civitatis illius gelidae facta est.

Johannes McCain iuveni senatori nigricolori mulierem hanc alacrem opponit, quae familiam maiorum more defendit, abortionem repugnat, adversarium vehementer adoritur. Ita sperat se exitum sibi infaustum, quem hucusque plerique opinionum indagatores provident, amoturum esse.

Scripsit Herimannus Novocomensis - 05/09/2008 00h34

De Baraci Obama nominatione

Finis Olympiorum Pecchinensium

Musharraf se abdicavisse

De indutiis in Georgia

De bello Georgiano

De caede in Sinis occidentalibus

Mala tempora omnibus, qui eurone utuntur

Displosiones Constantinopoli

Karadzic comprehensum esse

De pontificis Benedicti XVI homilia Sidneii habita

Candidatos praesidentiales de copiis Americanis ex Iraquia revocandis aliter sentire

De regimine "patriae concordiae" in Libano creando

Colloqium summitarium gregis G8

Condicio extraordinaria in Mongolia

De avis nido