Varsoviae nata
per rete divulgata
ad omnia scitu digna spectans

Martis die 19 mensis Martii 2024
AD NOVAM SEDEM:


Hae paginae nunc caducae sunt. Novam sedem Ephemeridis visitate, HIC:



Prima
Nuntii
Acta
Crater nugarum
Miscellanea
In orbe
Politica
Scientiae
Valetudo & medicina
Athletica
Oeconomia
Homines
Socialia
Percontatio
Religio
Opiniones
Insolita
Chronicae
Epistula Leonina
Sanctus
Matterae
In Tempore "Coronario"
Cultura
Historia
Biographiae
Cinemata
Libri
Cultus Civilis
Poesis
Ellenica
Gnomon
Otium
Ars vivendi
Periegetica
Crucigramma
Hebdomada aenigmatum
facetiae
Fabulae
Holmesiaca
Detector Vacca
Narrationes
Superbia & odium
Crabatus
Varia
Vita Latina
Textus varii
Scholastica
Epistulae lectorum
Tempestas
Qui simus
Archiva
Annus 2021
Annus 2020
Annus 2019
Annus 2018
Annus 2017
Annus 2016
Annus 2015
Annus 2014
Annus 2013
Annus 2012
Annus 2011
Annus 2010
Annus 2009
Annus 2008
Annus 2007
Annus 2006
Annus 2005
Annus 2004

SANCTUS

FAUSTUM NUNTIUM SECUNDUM MARCUM (Cap.IX)

IX. Dicebat eis: ‘Vere dico vobis: Sunt quidam e hic stantibus, qui non gustabunt mortem, donec videant regnum Dei venisse in virtute’.

2 Post dies sex assumit Iesus Petrum et Iacobum et Ioannem, et ducit illos solos seorsum in montem excelsum. Transfiguratus est coram illis;

3 et vestimenta eius facta sunt splendentia, candida nimis, qualia fullo super terram non potest tam candida facere.

4 Apparuit illis Elias cum Moyse, et erant loquentes cum Iesu.

5 Respondens Petrus dicit Iesu: ‘Rabbi, bonum est nos hic esse; et faciamus tria tabernacula: tibi unum et Moysi unum et Eliae unum’.

6 Nesciebat enim, quid responderet; erant enim exterriti.

7 Facta est nubes obumbrans eos, et venit vox e nube: ‘Hic est Filius meus dilectus; auditote illum’.

8 Statim circumspicati, neminem amplius viderunt nisi Iesum tantum secum.

9 Descendentibus illis de monte, praecepit illis, ne cui narrarent ea, quae viderant, nisi cum Filius hominis resurrexisset e mortuis.

10 Verbum [hoc] continuerunt apud se, conquirentes, quid esset illud: ‘resurrexisse e mortuis’.

11 Interrogabant eum dicentes: ‘Cur itaque dicunt scribae primum oportere Eliam venire?’.

12 Ille vero dixit eis: ‘Elias quidem, cum venerit primum, restituet omnia – et quomodo scriptum est super Filio hominis, eum multa esse passurum et iri contemptum? –,

13 sed dico vobis: Et Elias venit; et fecerunt illi, quaecumque volebant, sicuti scriptum est de illo’.

14 Cum venissent ad discipulos, vidit turbam magnam circa eos et scribas conquirentes cum illis.

15 Statim omnis populus, cum vidisset eum, stupefactus est, et accurrentes salutabant eum.

16 Interrogavit eos: ‘Cur inter vos conquiritis?’.

17 Respondit ei unus e turba: ‘Magister, attuli ad te filium meum habentem spiritum mutum;

18 et ubicumque eum apprehenderit, allidit eum, et spumat et stridet dentibus et arescit. Dixi discipulis tuis, ut eicerent illum, sed non potuerunt’.

19 Qui respondens eis dicit: ‘O generatio incredula, quamdiu apud vos ero? Quamdiu vos patiar? Afferte illum ad me’.

20 Attulerunt illum ad eum. Cum vidisset illum, spiritus, statim conturbavit eum; et [ille] cum cedidisset in terram, volutabatur spumans.

21 Interrogavit patrem eius: ‘Quantum temporis est, ex quo hoc ei accidit?’. Ille vero dixit: ‘Ab infantia;

22 et frequenter eum iecit etiam in ignem et in aquas, ut perderet eum; sed si quid potes, adiuva nos, misertus nostri’.

23 Iesus autem dixit illi: ‘‹Si potes!›. Omnia [sunt] possibilia credenti’.

24 Statim pater pueri, cum exclamavisset, dicebat: ‘Credo; adiuvato incredulitatem meam’.

25 Cum videret Iesus concurrentem turbam, comminatus est spiritui immundo dicens ei: ‘Mute et surde spiritus, ego tibi praecipio: Exi ex eo et amplius in eum ne introieris’.

26 Cum clamavisset et multum discerpsisset eum, exiit; et factus est sicut mortuus, ita ut multi dicerent: ‘Mortuus est!’.

27 Iesus tamen, prehensa manu eius elevavit eum; et surrexit.

28 Cum introisset in domum, discipuli eius secreto interrogabant eum: ‘Quare nos non potuimus eicere eum?’.

29 Dixit eis: ‘Hoc genus nulla re potest exire nisi oratione’.

30 Inde profecti peragrabant Galilaeam; nec volebat quemquam scire.

31 Docebat enim discipulos suos et dicebat illis: ‘Filius hominis traditur in manus hominum, et occident eum, et occisus post tres dies resurget’.

32 Illi vero ignorabant verbum et timebant eum interrogare.

33 Venerunt Capharnaum; et cum domi esset, interrogabat eos: ‘Quid in via tractabatis?’.

34 Illi vero tacebant, nam inter se in via disputaverant, quis [eorum] esset maximus.

35 Cum sedisset, vocavit Duodecim et dicit eis: ‘Si quis vult primus esse, erit omnium novissimus et omnium minister’.

36 Cum sumpsiset puerum, statuit eum in medio eorum, et amplexus eum, dixit illis:

37 ‘Qui unum ex huiusmodi pueris susceperit in nomine meo, is me suscipit; et qui me susceperit, is non me suscipit, sed eum qui misit me’.

38 Dixit illi Ioannes: ‘Magister, vidimus quendam in nomine tuo eicientem daemonia, et prohibebamus eum, quia non sequebatur nos’.

39 Iesus vero dixit: ‘Nolite prohibere eum. Nemo est enim, qui faciet virtutem in nomine meo et poterit cito mihi maledicere;

40 qui enim non est adversum nos, is pro nobis est.

41 Qui enim potum dederit vobis poculum aquae hoc nomine quod Christi estis, vere dico vobis: Non perdet mercedem suam.

42 Qui corruperit unum ex his pusillis credentibus in me, melius sit ei, ut circumdatur mola asinaria collo eius, et in mare mittatur.

43 Si corrumpat te manus tua, abscide illam: melius est tibi debilem introire in vitam, quam duas manus habentem ire in Gehennam, in ignem inexstinguibilem.

(44) 45 Si pes tuus corrumpat te, amputa illum: melius est tibi claudum introire in vitam, quam duos pedes habentem mitti in Gehennam.

(46) 47 Si oculus tuus corrumpat te, eice eum: melius est tibi luscum introire in regnum Dei, quam duos oculos habentem mitti in Gehennam,

48 ubi ‹vermis eorum non moritur, et ignis non exstinguitur›;

49 omnis enim [homo] igne salietur.

50 Bonum est sal; quod si sal insulsum fuerit, quo illud condietis? Habetote in vobis sal et pacem inter vos habetote’.

Scripsit fr.Benedictus Huculak OFM - 02/10/2017



.

.

  UTILIA

Bibliotheca Augustana
The Latin library
Latinitas Romana Salesiana
Poesis Latina Hodierna

  VARIA

  SCRIBE NOBIS

 

Latine loqui disce!!


Subnotationes fient
ante finem Septembris.

==============

=============

AMICI EPHEMERIDIS: