|
|
NUNTII
DONALDI CONTIOSemper revertunt
Pristinus praeses Boreoamericanus Donaldus Trump, qui tam consul quam civis de se ut loqueretur semper curavit, Florentiae (Arizona) hesterno die de anni MMXXIV consulari petitione praelocutus est: "Anni MMXXIV petitio consularis summa in Boreoamericae historia erit!" Posthac ille Trump de acti temporis suffragiis publicavit: "Anni MMXX electio maxima simulatione adhibita falsa est: democratici ipsi suffragium nostrum omnino adulteraverunt diurnariique vitiosi falsa publicare solent". Interea Donaldus Trump de Capitolinis seditiosis, qui superiore anno senatum obsederunt, nonnulla pronuntiavit: "Ipsi in carceribus violationibus multis afficiuntur: ecquid de inquisitionibus habendis?" De Sinensium potestate tandem: "Sinenses illi nos minime metuunt nec adhuc respiciunt!" Scripsit
Andreas Nouocomensis - 16/01/2022 12h11
.
.
|
|
BREVES
SCIENTIAE
SOCIALIA
RELIGIO
SOCIALIA
RELIGIO
|