|
|
|
NUNTII 
PRIMUS MAGISTER URBIS MUSLIMUS LONDINII ELECTUS EST
PRIMVS MAGISTER VRBIS MVSLIMVS
LONDINII ELECTVS EST
Sadiq Khan laborista novus magister civium
publice declaratus est qui gratias egit iis qui suffragium
tulerunt cum ad effectum perduxissent quod fieri non posse
videretur. Khan, vir quadraginta quinque annorum, filius
emigrantium e Pakistania Muslimorum magno suffragiorum numero (56,8%
adversus 43,2%) adversario praestitit Zac Goldsmith,
quadraginta unius annorum, conservativo, nobilissimo et ditissimo
genere nato.
Brevi sermone habito post mandatum acceptum
confirmavit de rebus agendis, a muneribus publicis ad
habitationes, se officia facturum esse: cum usus esset omnibus
Londiniensibus se esse fauturum. Deinde se humili loco natum esse
memoravit, patrem mortuum octo filiorum proferens autoraedarium,
gratiasque matri, uxori, familiae et omnibus fautoribus agens.
“Vicit spes contra metum, unio contra
discordiam. Timor nos firmiores non reddit, sed debiliores”
inquit sectator laboristarum “res politica metu nixa in nostra
urbe haud accepta est”. In certamine ad comitia pertinenti ille
ab adversario et ipso Ministro Primario David Cameron accusatus
est quod extremistis familiariter uteretur; cui rei candidatus
valde iratus responderat, se praebens ut Muslimum Britannicum cum
extremistarum partium sectatoribus pugnaturum.
Scripsit
Lydia Ariminensis - 08/05/2016 20h12
.
.
|
|
BREVES
SCIENTIAE
SOCIALIA
RELIGIO
SOCIALIA
RELIGIO
|
