|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
POESIS In diem orientem Ponite maerorem, valvas aperite diei atram post noctem, qui nova dona feret. Namque suum cantat iamdudum avis arbore carmen, quod trunci resonant implet et omne nemus. Omnes sunt seduli, seduli nos simus et ipsi vitae vigentis nos quoque participes. Laetitiae plures causae sunt quam lacrimarum, has amplectamur: gaudia nostra patent. Ut simus tristes, spatium nec tempora vitae attriubit nobis, qui regit omne Deus. Nam huius memores, moneo vos, estis amici: Post solis radios lunaque noxque redit. scripsit Stephanus Sapiens |
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
