|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
OECONOMIA
USUS ELECTRICITATIS VERUM STATUM OECONOMIAE APERIT Oeconomia cinerea crescit Tempore recessionis globalis oeconomicae crescit oeconomia cinerea, i.e. paralegalis - docet investigatio professoris Fiedrich Schneider Universitatis Studiorum "Johannes Kepler", cui sedes est Lentiae (Linz) Austrorum. De effectibus investigationis nuntiant novissima acta hebdomadalia "The Economist".
Repperit ita professor Schneider in summa media inter membra OECD hornotinam zonam cineream constituere 13,8 centesimas totius productus domestici, cum praeterito (2008) anno constituerit illa tantum 13,3%. Antea, ab anno 1999, tempore scilicet progressus oeconomici (crisi Asiatia modo depugnata), oeconomia cinerea semper cadere solebat, nam decem abhinc annos eam constituisse 16,8% GDP terrarum OECD Schneider credit. Hodie zona cinerea constituat 8% productus domestici Civitatum Unitarum Americae Septentrionalis (USA), 22% GDP Italiae et 25% totius oeconomiae Graecae. In investigatione sua Schneider tantum tales phaenomena oeconomiae cinereae perscrutatus est, quae ad crimina fiscalia (i.e. vectigalia regimini non soluta) spectant, at non ad crimina gravia.
Scripsit ANL - - 05/04/2009 15h12
. .
|
BREVES
SCIENTIAE
SOCIALIA
RELIGIO
SOCIALIA
RELIGIO
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Schneider, homo rerum oeconomiae
mundanae maxime peritus, oeconomiam cineream aestimare conatus
est in 30 terris sociis Organisationis Oeconomicae Collaborationi
et Progressui (OECD), exempli gratia usus vis electricae cum
productu domestico (GDP) comparando, nam illius creditur verius
de progressu aut regressu oeconomiae narrare quam officialia data
statistica. Aliam methodum, praeter usum currentis electrici
investigandum, cui oeconomiae periti magis credunt ad verum
statum oeconomiae captandum, esse observationem copiae pecuniae
inter argentarias transmissae (inflatione annuali nummi certe
computatu detrahendo). Ipsa data statistica saepe monstrant se
non veram picturam praebere, ut - secundum diurnarios "The
Economist" - esse in casu Poloniae, ubi data officialia
monstratn eodem tempore (mense Ianuario) simul et numerum hominum
sine opere manentium et operariorum in totius civitatis oeconomia
crevisse (ex quo patere nonnullos re vera munere fungentes se
declarasse ut opere carentes).
