PERIEGETICA
Iter Brunense
Iter Brunense
Magnificas aedes Brunam qui scimus habere,
nos spectare uagos plurima tecta iuuat.
Templa placent, placet arx posita, ut defenderet urbem,
ornati putei, saxea signa placent,
ampla placent nobis fora, Musis sacra theatra,
cui crocodilus inest, curia prisca placet,
claustra placent, ubi uir tuitus crescentia pisa est,
uerum his una magis quaeque taberna placet.
Scripsit Martinus Zythophilus
|
