|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
IN ORBE
De fele valde grato
Siphonarius Ryan Coleman cum vias oppidi Paradisi specularetur, cui maximum detrimentum terrifico incendio Californiae Septentrionalis allatum est, inter ustas ruinas felem repperit. Animal cum hominem animadvertisset, statim in eius humeros insiluit os suo ore permulcens nec iam reliquit. Paradisi, in oppido XXVI milium incolarum, nihil intactum mansit. Nonagesimae quintae partes ex centum deletae sunt, quintae partes superstites vix stantes. In incendiis Californiae Aquilonaris LXXXI perierunt, plus quam septingenti dilapsi sunt. Taenia visifica et imago photographica in LibroVultuum apparuerunt.
Scripsit Lydia Ariminensis - 22/11/2018 18h20 . . |
BREVES
Turcia. Relatores Turci XXII annorum poena damnati ob involucrum diurnarii, quod "ad seditionem excitavit". - 22/05/2017 23h42
Inter 160 et 200 bellatores Curdici mortui sunt die Iovis ob ictus aeroplanorum Turcicorum in boreali parte Syriae – nuntiaverunt duces exercitus Turcici. Bellatores autem Curdici maximi socii sunt US-Americanorum contra Califatum Islamicum pugnantium. - 20/10/2016 13h34 Shimon Peres, princeps Israelianus, qui anno MCMXCIV Praemio Nobeliano pro pace exornatus fuit, agens nonagesimum quartum annum aetatis obiit. - 03/10/2016 18h31
VIDE ETIAM
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||