Varsoviae nata
per rete divulgata
ad omnia scitu digna spectans

Saturni die 15 mensis Augusti 2020
Prima
Nuntii
Acta
Crater nugarum
Miscellanea
In orbe
Politica
Scientiae
Valetudo & medicina
Athletica
Oeconomia
Homines
Socialia
Percontatio
Religio
Opiniones
Insolita
Chronicae
Epistula Leonina
Sanctus
Matterae
In Tempore "Coronario"
Cultura
Historia
Biographiae
Cinemata
Libri
Cultus Civilis
Poesis
Ellenica
Gnomon
Otium
Ars vivendi
Periegetica
Crucigramma
Hebdomada aenigmatum
facetiae
Fabulae
Holmesiaca
Detector Vacca
Narrationes
Superbia & odium
Crabatus
Varia
Vita Latina
Textus varii
Scholastica
Epistulae lectorum
Tempestas
Qui simus
Archiva
Annus 2020
Annus 2019
Annus 2018
Annus 2017
Annus 2016
Annus 2015
Annus 2014
Annus 2013
Annus 2012
Annus 2011
Annus 2010
Annus 2009
Annus 2008
Annus 2007
Annus 2006
Annus 2005
Annus 2004

HOMINES IN CONSPECTU
Praeses Reipublicae Italicae electus est

Praeses Reipublicae Italicae electus est

Sergius Mattarella, natus septuaginta quattuor annos Panormi, in urbe regionis Siciliae, duodecimus Praeses Reipublicae Italicae pridie Kalendas Februarias creatus est plerorumque suffragiis, id est duabus fere partibus, post tres inanes consessus. Factio Democratica aliaeque ei faverunt, praeter Gregem Quinque Stellarum et Berlusconianos, sed quarum partium albae tabellae minores exstiterunt pro numero eorum qui ius eligendi habuissent.

Difficile est paucis verbis cursum honorum novi Praesidentis describere: aetate iuvenili particeps fuit Factionis Popularis Christianae, se deditque ad iuris studia; laurea coronatus, ius Constitutionis docuit apud Universitatem Panormitanam; cum frater Piersanti Praeses regionis Siciliae a mafianis necatus esset (1980), ut, post biennium, Secretarius eiusdem regionis Pio La Torre et Dux Carlo Alberto Dalla Chiesa, operam dedit novo gregi suae factionis ut res politica regionis Siciliae a mafiae manationibus liberaretur.

Interfuit primae rei publicae administrationibus: cum esset Minister Primarius Iulius Andreotti anno 1989 Administer Publicae Institutioni praepositus est multaque optime renovavit; insequenti anno recusavit ne suffragium ferret pro lege televisionum (legge Mammì) principatum Silvii Berlusconi comprobanti ac munus deposuit. Post triennium legem tulit de ratione eligendi faventem factioni quae plura suffragia ferret: per iocum lex “Mattarellum”cognominata est quae usque ad annum 2001 permansit. Postea Factionis Democraticae particeps fuit.

Anno 2011 iudex Summi Consilii Constitutionis electus est ; die 29 mensis Ianuarii Minister Primarius Mattheus Renzi eum suae factionis candidatum proposuit: coetu legislatorum popularium et senatorum Praeses Rei Publicae per septennium creatus est.

Post iusiurandum sollemnem orationem habuit: inter alia nationis concordiae imaginem exprimere se velle ac Chartam Civitatis Constitutivam defendere; non posse tamen veram unitatem et libertatem esse sine spe; discrimen oeconomicum auxisse paupertatem, diffidentiam, iniquitatem. Difficultates nummarias, iuvenes peritos sine opere, corruptelam: haec mala paesertim emendanda esse.

Scripsit Lydia Ariminensis - 13/02/2015 06h25



Catherine Gauchon
Artiste peintre

.

.



BREVES Damna vehementissimae diruptionis quae portum Beryti delevit numerum quindecim miliardorum dollariorum explent; quod Praeses Libani Michel Aoun declaravit.
Indica aeria nauis, quae ex terris Arabicis ciues Indicos ibi translatos ad ciuitatem Calcuttam Indicam transferebat, in Kerala Austroindicum procubuit: hominum bis centum in ueliuolo continebantur, quorum fortunae adhuc ignorantur.
Profugus Ruandae Emmanuel, triginta novem annorum, confessus est se incendium incitavisse in cathedrali Portus Namnetum. Se hoc paenituisse affirmavit. Fortasse ei timor erat ne non in Francogallia iam commorari posset, qua de causa scelus videtur patravisse.
Institutum Europaeum decrevit ut DCCL miliarda euronummorum quorum magna pars non reddenda, dividerentur inter nationes, ad oeconomiam restituendam post discrimen viri coronarii. Viginti octo partes ex centum Italiae tributae sunt. Tamen pecunia certa condicione suppeditatur, id est apta mutatione administrationis.
Polonus Andreas Duda, factionis conservativae, immoderatus patriae cultor, iterum Praeses confirmatus est maiore suffragiorum numero ornatus quam adversarius Raphael Trzaskowski.


OPINIONES
IN ORBE
SOCIALIA
IN ORBE
SOCIALIA

 

Latine loqui disce!!


Subnotationes fient
ante finem Septembris.

==============

=============

AMICI EPHEMERIDIS: