|
Varsoviae nata |
|
Homo sum humani nihil a me alienum puto. |
| Lunae die 8 mensis Septembris 2008 | ||
Mense Martio anni 2004, cum de "Ephemeride" condenda iam cogitarem, sua acta menstrua Polonice scripta conditurus erat amicus meus vetus Paulus Dunin-Wasowicz, rogans me tunc, an pro iis aliquid regulariter scribere possem. Iocose respondi: Omnia, quae vis, dummodo Latine! At mirabilis Paulus iocum in materiam transmutavit: unoquoque mense summarium fasciculi novi in paenultima eius pagina Latine apparet. - Nanompouphos.
Summarium aestivale (VII-VIII)
SUMMARIUM
Saepe nostram virtutem militarem et fortitudinem opponimus pacificae naturae Bohemorum, alienae dominationi se facile accommodantium. Nos canere solemus:
Belle bellum peragitur,
eques equo detrahitur.
Quem non flent, qui commilitant,
quin iacentem inequitant.
– In sepulcro tu somnia
de futura Polonia!
Illi autem inviti in proelium eunt:
Cur me vultis, duces, domini,
militare? Heus, loquimini!
Perdam annos iuvenes
nec manebit ulla spes,
ut puellae dicam: „Cor mi des".
Viridi in herba equus stat,
parum abest, ut deficiat.
Pavet bellum equulus,
videns Turcam eminus.
Paene linquit eum spiritus.
Viridi in herba equus stat,
parum abest, ut deficiat.
Se laturum timet nam
me, ut mortem oppetam.
Ora, mater, ut reveniam.
Hic clare patet id, quod Marius Szczygieł dicit
Agathae Pyzik, collaboratrici „Lampadis": Bohemi metum non dissimulant, sed sciunt eum confiteri. Verum tamen ex eius libro, qui Gottland inscribitur, discere possumus, quam strenue nostri vicini meridionales anno MCMLXVIII libertatem recuperare sint conati et quantas persecutiones quidam postea fortissime tulerint, communistis etiam iure sepeliendi eos privantibus.
| CULTUS |
|
Gladii samuraiorum Katanae, gladii longi Iapônum illorum equitum, qui appellabantur Samuraii, adhuc more praevetusto fabricantur a fabris artificiosissimis. |
| PERIEGETICA |
|
De Ammuriano Insula Ammurianum, in lacunis Venetis, arte vitrearia antiquitus praestat. |
| CULTUS |
|
„3sat": Dies televisorii Latinissimus Haec statio emissoria totum diem dedicabit sermoni Ciceronis Caesarisque considerando... |
| CINEMATA |
|
Vita XXXIII brevibus fabulis enarrata Certamen Locarni iudicum praemio hanc pelliculam Polonam affecit. |