Saltatio in tectis cum ignibus multicoloribus

Damnatio aeterna pro una nocte cum Casanova? Hm, pretium non immodicum mihi id videtur! - dicit in initiali parte cinematis monacha quaedam, novissima praeda Casanovae (Heath Ledger). Et talis tota pellicula: fabella suavis de seductore omnium aetatum maximo (sunt tamen qui putant Mao Tsetung vel nonnullos imperatores antiquos palmam in hac disciplina tenere), qui per tecta domuum Venetiis poenam inquisitionis sacrae effugit voluptates novas sequens. Victimae regis libinis cadere pergunt, usquead incidit femellarius ille in... mulierem feministicam Franciscam Bruni (Sienna Miller). Comitantibus: saevienti saltatione Bacchanali, splendidis costumis personisque, iocularibus insectationibus cum armis. Addi debent quasi in acie procedentia centena navium thalamegarum (quid Venetiae essent sine iis?), permulti explodentes ignes artificiosi multicolores, est etiam follis aerius. Nullo "nuntio gravi" (message) in pellicula, nulla ratione... Ludus purus!

Comparatus cum eiusdem dispositoris "Socolata" (2000) aut "Quid tale mordet Gilbertum Grape" (1993), "Casanova" vero non potest nominari margarita operis Lasse Hallstroem. Memoratu digna sit tamen actio optimum histronum alterius ordinis, praecipue autem Oliveris Platt, qui partem agit Paprizzii, "regis lardarii" Genuensis aemulatorisque Casanovae in pugna de corde Franciscae. Non moriar, spero, ob peccatum mortis, si dicam rem bono effectu (happy end) pro Casanova et Francisca finiri. Aliter ut in vera Casanovae vita, qui, ut scimus de diario eius, totam vitam in sollicitudine, sortem adversum sive karmam quandam malam semper efugiens terebat - voluptates varii, etiam corporales, licet saepe interdum evenerint, potius ut brevia tempora requietis ei erant. Senectus autem amatoris illius Venetiani nullo modo felix dici potest, pellicula nihilominus finitur verbis: Vixerunt longe atque felice. Hm, licentia poetica...

Casanova, USA, 2005

Dispositor: Lasse Hallstroem

Partes agunt: Heath Ledger, Sienna Miller, Jeremy Irons, Oliver Platt

Textus histrionibus adaptatus: Kimberly Simi, Jeffrey Hatcher

Camera: Oliver Stapleton

Musica: Alexandre Desplat

Societas fabricandi: Touchstone Pictures

Scripsit Krakauer

DANS (Dante)

PATRIAE DESIDERIUM (Nostalgia)

ALBUS, ALBUS DIES (A white, white day)

ULTIMUM DUELLUM

PRAEMIVM ROMANVM

Subnotationes fient
ante finem Septembris.