Varsoviae nata
per rete divulgata
ad omnia scitu digna spectans

Lunae die 19 mensis Augusti 2019
Prima
Nuntii
Acta
Crater nugarum
Miscellanea
In orbe
Politica
Scientiae
Valetudo & medicina
Athletica
Oeconomia
Homines
Socialia
Percontatio
Religio
Opiniones
Insolita
Chronicae
Epistula Leonina
Sanctus
Cultura
Historia
Biographiae
Cinemata
Libri
Cultus Civilis
Poesis
Ellenica
Otium
Ars vivendi
Periegetica
Crucigramma
Hebdomada aenigmatum
facetiae
Fabulae
Holmesiaca
Narrationes
Superbia & odium
Crabatus
Varia
Vita Latina
Textus varii
Scholastica
Epistulae lectorum
Tempestas
Qui simus
Archiva
Annus 2018
Annus 2017
Annus 2016
Annus 2015
Annus 2014
Annus 2013
Annus 2012
Annus 2011
Annus 2010
Annus 2009
Annus 2008
Annus 2007
Annus 2006
Annus 2005
Annus 2004

ATHLETICA
Certamina semifinalia .

Certamina semifinalia ...

... duas praestantissimas cohortes deligunt

Ex XXXII gregibus pedifollicis qui se in Brasiliam contulerant quattuor supersunt, poculum mundanum contendentes: quorum duo ex Europa, duo ex Latina America, id est ex duobus continentibus qui primatum huius lusus inter se ab initio contenderunt. Nam novies Latinoamericani (quinquies Brasiliani, bis Argentini et Uruguaii), decies Europaei (quater Italici, ter Germani occidentales, semel Angli, Francogalli et Hispani) ab anno MCMXXX sibi poculum comparaverunt.

Haec sunt certamina semifinalia:

Brasilia - Germania 1 - 7

Germania fregit Brasiliam: grex aureoviridis, Juniore Neymar orbatus et timore cladis territus, prima semihora quinque puncta a Müller, Klose, Kroos (bis), Khedira passus est neque amplius ex humilitate resurrexit. Secunda certaminis parte Schurrle bis portam Brasiliensem violavit, praedam ad insuetam amplitudinem septenariam adaugens. Post nonagesimum minutum Oscar unicum victi gregis punctum adeptus est. In profligatos lusores cohortisque magistrum in stadio sibilatum est; perturbationes fiunt per totam Brasiliam.

Argentina - Batavia 0 - 0, 4 - 2 post calces poenarios

Retibus intactis perfectum est certamen semifinale inter Argentinos et Batavos: ambae cohortes, veritae ne vincerentur, tam prudenter luserunt ut spectaculum plerumque taediosum visum esset; quod etiam per tempora superaddita evenit. Calcibus ergo poenariis victor definitus est: Messi, Garay, Aguero et Rodriguez albocaerulei, Robben et Kuyt lutei ianitores adversarios vicerunt. Argentini cum Germanis de poculo contendent, observatorum sententia praestantioribus.

Scripsit Herimannus Novocomensis




BREVES Reclamationes non desinunt in territorio Sinensi (Hong Kong) quod fuit colonia Anglica usque ad annum MCMXCV. Nunc V milia seditiosorum aëriportum intercludunt. Seditio exorta est contra legem traditionis, qua punirentur rebelles pro libertate pugnantes. Prope DCC ab ineunti mense Iunio comprehensi sunt.
Praeses Donaldus Trump nuntiavit vectigal decem partium ex centum impositum iri in CCC miliarda mercium a Sina venientium, quod magnum timorem in mercatum nummorum iniecit; utique reputatur in re consilium inesse ut Argentaria Primaria Americae (FED) non mediocriter usuram pecuniae imminuat ad oeconomiam fovendam.
Jihadista Osama Bin Laden, qui terrore suo Boreoamericam summe exterruit, prolem procreauit: Hamza nomen eius. Ille, qui potestatem patris in sodalitate Al Qaeda recipere cupiebat, clam periit: exploratores enim Boreoamericani modo nuntium, singulis omissis, protulere.
"Remigium nauis Britannicae hominum XXIII saluum atque nullo uolnere deprehensum est." Legati Administrationis Persicae hodie nuntium protulere. Vtrum restituentur prompte an non nescitur.
Apud caput Graecum hodie terrae motus: ratione Richteriana in incolas quintam uim perfundit. Nullus periit ciuis, qui magna frequentia domum suam effugit. Multa uastantur.


INSOLITA
POLITICA
SCIENTIAE
INSOLITA
INSOLITA

 

Latine loqui disce!!


Subnotationes fient
ante finem Septembris.

==============

=============

AMICI EPHEMERIDIS: