|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
POLITICA
Num commissarius a Slovacia designatus inimicus Romanium est?
Sefcovic anno MMV dixisse fertur Romanes auxiliis socialibus abuti, quae sibi in Slovacia praeberentur. Tamen procuratores Romanium eum nunc adiuvant, quod ab anno MMIV ad annum MMIX, cum munere legati Europaei fungeretur, summam rebus Romanium operam dedisset. Praeterea demonstraverunt rem esse magnam, si modo quis magistratuum Europaeorum sit, cuius interesset, quibus difficultatibus Romanes laborarent. In Slovacia ipsi adversarii regiminis non probant, quod Sefcovicio crimini vertitur. Anna Zaborska, legata Europaea partium conservativarum, dixit verba eius contextu non respecto esse reprehensa. Plura centena Romanium eo tempore e Slovacia in Belgium esse profectos, qui asylum peterent. quod cum iis negaretur, quia cives Unionis essent, tamen eos ex lege sustentandos fuisse; praeterea eos, quod sedes suas de iure non reliquissent, in patria quoque sua auxilio sociali sublevatos esse.
Scripsit Volfgangus Austriacus - 18/01/2010 13h58 . .
|
BREVES
Novissima demoscopia monstrant candidatam Democratarum ad munus praesidis USA Hilariam Clinton superare sui aemulum Republicanum Donald Trump 2-5%. - 05/11/2016 23h59
In Ungaria plebis scitum de migrantibus numerum legitimum suffragiorum non tulit, sed Minister Primarius Victorius Orban Cartam Constitutivam mutatum iri nuntiavit ne migrantes acciperentur non probante senatu. - 03/10/2016 18h35 Bratislaviae Slovacorum conveniunt duces 27 terrarum sociarum Unionis Europaeae - primum sine Britannia. Candidatus republicanorum ad munus praesidis USA Donald Trump superat in indagatione opinionum aemulatricem democratam Hilariam Clinton in tribus "civitatibus maximi momenti": Ohio (praestantia 5%), Florida (3%), Nevada (2%). - 15/09/2016 10h18
VIDE ETIAM
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Maros Sefcovic, commissarius
Europaeus designatus in numero eorum est, qui pro candidatis
incertis habentur: in auditione enim, qui hodie habebitur, legati
quidam ei crimini dabunt, quod inimico animo de Romanibus locutus
sit. Huic rei nunc ipsum Consilium Romanium Slovacorum reclamat :
insimulationes esse iniquas.
