|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
ARS VIVENDI IN TEMPORE "CORONARIO" Augusti Righi Romani lycei ad scientiam pertinentis discipuli, Magistra juvente, nonnulla scribere coeperunt de vita arteque vivendi in his temporibus "coronariis"... ITALIA INFIRMA VENENO Iam paene orbis terrarum omnes nationes veneno adfectae sunt. Condicio in Italia, secunda regio contagione, dramatica est: plus quam L milia hominum morbo infecti sunt. Sanitatis ratio in magna difficultate est et loci in nosocomiis carere incipiunt. Medici ad decernendum cogi possent si unum ex duobus aegrotis conservent et curent: selectio in uniuscuiusque vitae probabilitate fundata. Omnia negotia non necessaria clausa sunt, nationis progressus retardatus est, quicumque domo sine firmo argumento exit, pecunia multabitur. Inspectiones ut haec praecepta serventur severae sunt; haec consilia eo spectant ut contagionum numerum minuant et homines, qui omni die bono nostro vitam suam in discrimen adducunt, adiuvent. Aliqua magna negotia facturas suas, ut in belli tempo re, mutaverunt et auxilia ex ceteris nationibus in Italiam numerosa sunt. Tamen contagia et mortui accrescere non cessant, etiamsi superstitum numerus crescens confortat. Scripsit Alice Bianchi
. .
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
