Annus
2 0 1 3


Lexicon dictionum Latinarum

Lexicon dictionum Latinarum

Pater Iosephus Ioannes del Col dictionum Latinarum ad 20 milia collegit et alphabetice in duo volumina ordinavit.  Dictiones illas selegit  e veteribus et recentioribus auctoribus, qui Latine scripserunt;  in quibus  sapientia veterum patet. In fontibus inveniuntur omnes scriptores noti vel incerti, qui lingua Latina sententias, opiniones, excogitationes reliquerunt:  inter quos Lucius Accius poeta vetus, Augustinus Ecclesiae pater,  Gaius iurisconsultus, et maxime M. Tullius Cicero. 

Multa fortasse nunc ipsum quisquam possit rebus hodiernis adhibere:  De duobus malis, minus est semper eligendum;  Familia schola quaedam uberioris humanitatis est;  Inimici sui amicum nemo in amicitiam sumit; Labor quasi callum obducit dolori. Hae omnes dictiones in Hispanicum sermonem accuratissime translatae sunt, qua de causa Hispanice loquentibus et valet ad linguam Latinam discendam.

(José Juan del Col, Diccionario de locuciones latinas, Instituto Superior Juan XXIII, Fundación Universidad Salesiana, Bahía Blanca, 2013, ISBN 978-950-9771-41-3, jjdc@juan23.edu.ar)

Scripsit Paulus Kangiser



Retro ad:

Novissima editio
Summum paginae