Tianyue Wu

Sinensis philosophus de natione sua recenter dixit quod nunc ex utilitate aestimationes omnium sentiuntur etiam populus sententiam assumpsit quia Carpe diem. Tianyue Wu Sinenses simul oeconomiae incremento frui materialismique philosophia morali vacua laborare dixit. Arimini universitatis Pechinensis professor Wu disserebatur in Conventu ad Amicitiam inter Populos, seu Rimini Meeting

Wu catholicus occasionem videt praecipuam ut Christiani culturam quam saecularem evangelizent. Quorum 30 miliones in Sinis censentur et ex eo numero sex miliones catholici. Tamen Christiani modo parvum partem incolarum constituunt. Sinarum historia jam diu saeculari, Wu Christianum et Christianam monuit et quaecumque Christianitati inconstantia sese abscindere et actuosam, quantovis insectationis periculo, se praestare. Etenim annis vel recentibus in Sinis fidem exercendi causa multi graviter passi sunt.

In familia catholica sublatus Wu Ritum Latinum velut ante tempus Concilii Vaticani II sic usque ad decennium 2000 Latine celebratum fuisse memoravit. Nam Catholici Sinenses a mundo externo separati erant. Wu cum ex pueritia propter fidem suam despectus esset, tum de ea lucidiorem perceptionem animi inquirere coactus est. Ipso monstrata Alberti Einstein verba fidei religiosae faventia quamquam non funditus ipso persuaserunt studium accendit percipiendi. Sinenses enim physicos eorumque verba summe respiciunt eorum potentiá meliorem vitam terrestrem faciendi confidentes. Cum autem ipse auribus accepisset veteres orationes Latinas ad donandam avi docti animae pacem proditas, e.g. de profundis clamavi ad te Domine, pax animo Wu donata est doctrinaeque veteres ab avia traditae magis ab ipso proprie receptae factae sunt.

Rimini Meeting a motu catholicorum laicorum Communione et Liberatione (Italice Comunione e Liberazione) quotannis apparatur. Congressorum circiter octies centena milia annis recentissimis singulis computata sunt.

Scripsit Thomas Davis