Res Publica Croatia propediem in Unione Europaea

In occasione proximae cooptationis patriae meae Croatiae in Unionem Europaeam gratissimum est mihi Unionis Europaeae et Croatiae hymnis in linguam Latinam conversis omnes salutare.

Multis notum est Croatiam pulcherrimam esse, sed cur in hymno Croatico poeta dixit eam etiam virtute terram notam et gloriosam esse? Ex quo tempore est illa? Num eam temporibus incursionum Turcarum antemurale christianitatis appellabant? Num eius est filius ille Marcus Marulus (Marko Marulic), cuius notissimum opus De institutione bene vivendi per exempla sanctorum duobus saeculis medii aevi in Europa liber plurimum divenditus (best-seller) erat…?

Utinam nos alii alios magis magisque cognoscamus et colamus atque amemus et sic in dies felices felicioresque fiamus

Hymnus Europae

Gaudium, scintilla deum,

nata de Elysio,

ignis tuus nos ad eum

fert, qui est in solio.

Pulchritudo tua iungit

id quod scindit pravus mos

hominesque fratres reddit,

tu si alis tegis nos.

Is qui erat fortunatus

vera amicitia;

feminam qui osculatus,

gestiat laetitia!

Sic is ens qui unum tantum

suum potest dicere;

cui numquam idem sanctum,

solus vivat misere!

Ex versibus Friderici Schiller (1759-1805)

Hymnus Croatiae

http://www.youtube.com/watch?v=iANCdCMmQXE

Terra patria formosa,

tu virtute terra nota,

tu vetusta, gloriosa,

sis in dies felix tota!

Cara nobis sic ut clara,

unica tu nobis cara,

cara ibi, ubi plana,

cara ubi es montana!

Flue, Save, aqua rara,

tu, Danuvi, noli stare,

mare nostrum mundo narra

haec Croatam adamare

donec agros sol fovebit,

ventus quercus dum movebit,

dum sepulcro suos flebit,

donec vivum cor manebit!

Ex versibus Antonii Mihanovic (1796-1861)

Scripsit Aurelius Vidulić