De abortuum sumptibus impendendis

Quod ad vectigalia in abortum impendenda attinet bursam medicinam exstituram restringentes leges ad utra Pennsilvaniensia legifera consilia recenter relatae sunt. Quarum propriam inferius consilium iam iussit. Bursa medicina civitati omni Civitatum Unitarum Americae ex anno 2014 fore lege foederatica modos medicinae compensationis commutante exigitur. Fides de pretio medicino interposita per bursas civitatum vendetur ordinanda ut cives praemiis secundum inopiam sed non secundum insanitatem statis emant. Sponsores fidem interponentes tributa pro moderatione tali praemiorum eorum accipient.

Per leges Civitatum 21 bursis medicinis suis de abortu directo in parte vel toto iam Calendis Aprilibus anno 2013 interdictum est. Nam potestas talis omnibus 50 Civitatibus lege foederatica concessa est. Utraque Pennsylvaniensis lex proposita casus graviditatis scelere conceptae et eos mortis maternae imminentis excipit. Pennsylvanienses abortibus obtrectantes se in senatu civitatis superaturos esse iugiter sperant.

Scripsit Thomas Davis