Annus
2 0 1 3


Nolite,

Nolite, mulieres, poma aut olus contrectare...

... nisi vos ipsae contrectari velitis!

Hoc scriptum minax ante ianuam Venetus quidam exposuit, qui olus venditat et diu moleste tulit idem saepius contrectari. Cum sint mulieres quae maiore cura et saepius quam viri ad forum olitorium ventitant causa oleris emendi, ad eas scriptum convertit. Aliter ac lepide mulierum loci societates scriptum tulerunt, idemque signum virilis arrogantiae et mulieribus admodum contumeliosum. In urbe magna agitatio facta est.

Venditor confirmavit se minime mulierum animos offendere voluisse, quin potius lepide eas hortari ut contrectatione abstinerent. Idem sentio: saepius olus attrectari, sed non solum a mulieribus, animadverto; hoc minime ad salubritatem atque urbanitatem pertinet. Amovere scriptum tandem venditor instituit, etsi nulla querimonia ab emptoribus habita erat.

Scripsit Dominicus Caveosanus



Retro ad:

Novissima editio
Summum paginae