In Rem Publicam Kuwaitianam homosexuales non accipientur

Administer Kuwaitianus Yussef Mendkar in urbe Amman omnes administrationes hortabitur ut suam rem publicam imitentur quae in fines suos aditum homosexualibus prohibitura est: quid est cur hoc fiat? “Mores non apti”. Quicumque petierit ut legitime in rem publicam Kuwaitianam ingrediatur, eum medicus perscrutabitur, deinde  auctoritatibus addictis vir homosexualis inventus vel confessus utrum recipiatur an repellatur deliberandum erit. Administer putat tot peregrinis ineuntibus Publicae Saluti graves minas esse.

Consilium capiendum difficilius ostenditur atque incertum est an probetur. Nihil magna nationum pars adhuc respondit, sed Iordania, Bahrein prorsus hoc repugnare videntur, praesertim res publica Dubaiana ubi Europae Asiaeque ditiores greges homosexualium quaestuosa negotia gerunt.

In nationibus Islamicis saepe accidit ut illi vitam degant magna cum difficultate, immo aliquae res publicae capite condemnare viros qui viros amant; in re publica Kuwaitiana iidem poenam solvunt nonnullis annis ( a VI ad X annos) in vincula coniecti, immo lex novissimo tempore severior facta est: cives vetantur alterius sexus vestimenta induere, pelliculas spectare quae turpes putentur, libros et acta edere qui ad transgrediendum excitent.

Qua re circuli frequentes ad reclamandum orti sunt qui plerumque per interrete omnes recusationes proponunt.

Scripsit Lydia Ariminensis