Novum regimen Italicum creatum est

Post bimestrem exspectationem, in Italia regimen creatum est ab Henrico Letta (quem in imagine adposita aspicis) ductum, vicario Petri Aloisii Bersani secretarii factionis democraticae, qui frustra ante ipsum idem perficere temptaverat. Ministri a tribus factionibus fulcietur, videlicet democratica et liberali (invicem acriter inimicis) et Delectu Civico, a Mario Monti ducto huc usque ministro primario. Ut oppositorum communis opera fieri possit, plerique ministri gubernationis expertes sunt: inter quos sunt Josepha Idem, lintrium certaminum victrix Olympica, et Caecilia Kyenge, mulier ex Africis parentibus orta.

Magno cum gaudio nuntium accepit Georgius Napolitano, rei publicae praesidens, qui ardenter regiminis institutioni favit.

Scripsit Herimannus Novocomensis