De marathonis caede

Indagatores sine intermissione investigant ut reos inexspectatae caedis comprehendant, qui dum cursores marathona Bostoniensem perficiunt heri duo pyrobola displodenda curaverunt, tres homines occidentes, centum saltem sauciantes, quorum XVII vitam periclitantur.

Civitatum Foederatarum praesidens Baracus Obama coram populo se certum esse nuntiavit scelestos captum et punitum iri.

Scripsit Herimannus Novocomensis