BARBARI MORES SIBERIANI

Grex inquisitorum qui saevi mores fuissent restituit incolis Siberianis, qui saeculis a II ad VI degisse feruntur. Investigatio ex ossibus hominum in republica Tuvae inventis ab archaeologis Universitatis Bernae et Academiae Scientiarum Russiae facta est, cuius exitus in Actis Americanis Anthropologiae Physicae publicati sunt.

Situs archaeologicus de quo tractatur repertus est anno MMXVII ac Tunnug1 nominatus, ubi, effossionibus effectis, reliquiae ossium LXXXVII hominum inventae cum hic sepulcretum fuisset eiusdem aetatis quam supra dixi.

Quod praecipuum est, ossa indicia immanis vehementiae ostendunt. Quarta pars interisse existimatur in pugna, sed in aliis capitis amputationis vestigia, faucium incisurae, capilli cum cute demonstrantur. Non solum homines adulta aetate, sed etiam feminae et pueri agniti sunt, quorum amputationes ex ritibus bellicis ortae videntur.

Hanc regionem meridionalem Siberiae iisdem saeculis gentes errantes percurrerunt, inter quos Schytae, ut ex humationibus colligi potest.

Plura lege in https://notiziescientifiche.it/scoperti-piu-di-80-scheletri-in-siberia-con-segni-di-decapitazioni-tagli-alla-gola-e-scalpi/

Scripsit Lydia Ariminensis