COLLOQUIA MYTHOLOGICA I

Domus antiquae uenationis, Pompeii: Galatea Polyphemum suauiatur

Polyphemus- “Vror enim, laesusque exaestuat acrius ignis,

cumque suis uideor translatam uiribus Aetnam

pectore ferre meo; nec tu, Galatea, moueris” [Ouidii, Met. XIII, vv. 867-889].

Galatea- Polypheme, satis superque. Actum est! Iam intellexi tandem quis sis, fili Neptuni. Exeo…

Acis- Quid facis, insana?

Galatea- Propero obuia ire Polyphemo!

Acis- Cur? Me exemplari pulchritudinis relicto, foedissimi animalium horridique apri ad amplexus progrederis?

Galatea- Iam uero immorior nisi me ei iungo.

Acis- Galatea…!

Polyphemus- Voces perfidi pueri audio mea fraga, meum lucidum lac, meas molles uuas infantis ore clamantes? Perdidit uestigium eius inter tot ludos amoris per siluas et speluncas? Porrigam collum e scopulo ut saltem e longe uideam illum porcellum paruum atque facultas complanandi eum quadam rupe mihi detur.

Galatea- Polypheme! Hic adsum, huc aduenio ueniam humillimam tibi petens.

Polyphemus- Quid facis, nitor diluculi? Me adis tandem imperterrita? Nonne te terret mea barba hirsuta?

Galatea- Non amplius! Deditionem mei facio, uerecundia praeteritae repulsae plena.

Polypheme- Me illudis? Sunt multae lunae et multi soles cum me respuis. Qua de causa immutauisti consilium?

Galatea- Auscultaui nunc demum tuas opes, tuam prosapiam, tuam artem.

Polypheme- Et quid uis tandem?

Galatea- Quid uolunt saepe amantes?

Polyphemus- Immo dic amentem quae eo uehementer insontem pastorem canentem aggrediaris!

Galatea- Mi mons, meum antrum, quid garris…

Polyphemus- Me terruisti. Et quid cupiebas?

Galatea- Te in meo gremio, nos ardentissime uniri.

Polyphemus- Paulum restat ne fugiam per illud procliue, siue capris sequentibus siue hic desertis.

Galatea- Nonne desiderabas?

Polyphemus- Sed eo cito, nescio… Quibusdam uerbis interiectis…

Galatea- Ne cura, mi auerne. Intuere aliquanto haec iam tua labra dum loquor et tibi expono fabulam illam de…

Scripsit Daniel Alvarez