VIRVS IN ORBEDe sententiis ultimis
![virusorbe.jpg](../admin/nuntii/files/virusorbe.jpg)
Virus coronarium nunc milia centum hominum in toto orbe contaminauit, quorum quinquaginta milia reualuerunt atque milia III perierunt, cum inter ciues Sinenses contagium comminueretur. Exteros tamen incolas -Italicos, Austrocoreanos atque Persicos summe- morbus amplissime attigit, qua de causa quaestores rei argentariae uniuersali L milliardorum dollarorum ad pestilentiam debellandam praebuerunt. "Viri aspersionem ac diffusionem continere possumus, quod nobis instrumenta sunt apta" praefectus ad salubritatem uniuersalem Ghebreyesus pronuntiauit: nouis enim nationibus curae sunt infecti, quarum Francogallia Germaniaque primores sunt. Scripsit Andreas Nouocomensis
|