Guinea-Bissau, pauperrima respublica Africana, e colonia Lusitana orta, iam pridem bella civilia passa est necnon auctoritates labefactantes. Recenter igitur duos Reipublicae Praesides habet inter sese adversantes: et Umarus Sissoco Embaló, quem victorem in comitiis Commissio Nationalis Electoralis declaravit (is exercitum iussit occupare sedes ministeriales), et Ciprianus Cassama a Parlamento Nationali eodem fere tempore nominatus Praeses Temporalis. Haec parva natio, incolarum sesquimilionum, maledicta fato videtur, nam tumultus politicos atque mutationes gubernii violentas iamdiu patitur.

Scripsit Paulus Kangiser