Fuit Leonardo ingenium ad omnia versatile, sed a pueritia excellit in arte
delineandi, ut scriptor vitae Georgius Vasari narravit, adeo ut pater
Petrus eius lineamenta praeclaro artifici Andreae Verrocchio cognominato
ostenderit, qui puerum decem annorum in suam officinam Florentiae tironem
acciperet. Illic artem pingendi, statuariam, aurificem, sed praesertim
delineandi colebatur, cum discipulus comites haberet nonnullos summos
artifices, inter quos Alexander Botticelli, Dominicus Ghirlandaio, sed
magister semper dilexit Leonardum qui particepem operum magni momenti eum
reddit.
Aetate viginti quattuor annorum adhuc in magistri officina versabatur, ex
qua re evincitur veram sodalitatem inter eos fuisse: e.g. socii fuerunt in
pictura vestis sinuum, immo inter se certaverunt. Hoc studium ostenditur in
statua fictili nuper Leonardo adscripta Matris Sanctae cum Puero Ridenti
exposita in Musaeo Londinii. Mollitia quoque Virginis vultus lineamenta
aliarum operum summi artificis revocat. Periti artis hoc putant unum opus
statuarium Leonardi quod ad nos pervenit.
Cum Verrocchio commissa esset tabula de Baptismate Christi a Monasterio
Sancti Salvii, opus inceptum a Leonardo perfectum est, qui suavissimum os
colore dilutiore obliquae imaginis unius angeli pinxit, sed etiam loca
extenuata, flumen et montes in scaena extrema; etiam corpori Christi minus
aspero reddito operam dedisse videtur. Narrant, quod non verisimile
reputatur, magistrum dixisse, postquam viderat discipuli opus, se iam non penicillum
tacturum esse.
Scripsit Lydia Ariminensis
