Palma arbor proprie. Dicitur etiam manus extenta (…) Eleganti metaphora justus comparatur palmae; nam palma est arbor horribilis radice, aspera cortice, firma robore, sublimis culmina, delectabilis flore, suavis fructus dulcedine, erecta pro charitate signum victoriae; sic vita sanctorum vel religiosorum horribilis in radice, scilicet ab initio intrantibus religionem, quia stultis infert horrorem; unde in Libro Sapientiae: “Nos insensati vitam illorum putabamus insaniam” (Sap., V 6); aspera est in cortice, in victu scilicet, et cultu et vestitu; firma robore, constantia scilicet et patientia, sublimis virtutum et operum eminentia; delectabilis flore, quia in ea florent virtutes et bonae operationes; suavis est fructus dulcidine, quia pro labore percipit dulcem fructum vitae aeternae; erecta pro charitate, quia mentem exigit ad contemplandum coelestia; signum victoriae, quia propter luctam, scilicet qua vincit mundum, carmen et diabolum, merebitur coronam.
Romus proprie, Aliquis ab aliquo descendens, qui metaphorice dicitur ramus; quia sicuti rami procedunt ab arboribus, sic posteri ex praedecessoribus; unde Apostolus: “Si radix sancta, et rami” (Paolo, Ad Rom., XI 6), id est posteri.
Dicitur opus, unde per prophetam Veritas ait, antiquorum hostium malitiam signans: “Posuit vineam desertam vel in desertum, ficum decorticavit, exspoliavit eam”; alibi: “Fracti sunt rami ejus” (Ioel., I 7); insidiantibus quippe malignis spiritibus Dei vinea in desertum ponitur, cum plena virtutibus anima humanae laudis cupiditate dissipatur
Scripsit Johannes Teresi
|
|
