Aeris contaminatio re uera hominum uitas iamdiu adfecit atque philosophi iam omnes rem consensu uniuersali indicant, quod in toto orbe comperitur atque consentitur. Praefectus urbi Delhensi Arvindus Kejriwal de Indiacis rebus sententiam suam pronuntiauit: "Indorum res postremo ad discrimen atque crisin peruenit, quoniam praescriptiones minime inspectae sunt atque haud tolerabuntur pericla noua: aeronaues uere triginta ob nebulam atque caliginem cineraceam in itinere suo recesserunt." Quod ideo ob rei frumentariae holocaustum euenisse uidetur, praeterea autoraedarum fumus aeris inquinationem summopere afficit. Incolarum salus re uera periclitatur: saluber nam aer minime dici potest.

Scripsit Andreas Nouocomensis