Londinium. Vigiliae Britannicae exanimia mane corpora apud hortos orientales inuenerunt: automaton onerarium cadauera continebat XXXIX, quorum interitus causa adhuc nescitur. Automatum onerarium cur enim tam multis hominibus capax effectum sit, non bene conperitur; attamen uigiliae migrantes ipsos esse existimant, quorum propositum effugiendi a finibus suis aspicere licet. Tomitanos enim esse perfugas ipsi uigiles examinarunt: autocineti ille auriga hocpropter comprehensus est, quod migrantes iniussu populi clamque in angusto loco tradere conatus est atque profugorum obitum sanxit. Ille quadrigarius XXV annos natus praeterea migrantes ad Hiberniam Septentrionalem transferre studebat, ut forsin consilio peritorum adhaerere temptaret.

Scripsit Andreas Nouocomensis