DEMONSTRATIO AERONAVIUM

De motibus Sinensibus

Iamdiu seditiones apud ciuitatem Hong Kong uias hominum impleuerunt: Sinensis Administratio enim pacta, quibus ciuitas unitur, commutare iamdudum consuluit; Britannica colonia exempta, ciuitas nam pactis propriis Sinae adligatur, quorum uis a magistris dictaturae Sinensis paulatim debilitatur. Qua de causa ciues tertium ante mensem demonstrationem maximo conatu inceperunt atque seditiones iam in insulis permultis promanarunt; nunc aeriporto contigit, cuius impedimenta maximo damno uitam ciuitatis Sinensis infecerunt. Aeronaues enim uolitare demonstrantes toto numero impedierunt, dum milites Sinenses, ante mensem contentionis causa conscripti, currus atque machinas disposuerunt. Magna praeterea concretione, ut exploratores Boreoamericanos nuntiasse Praeses Donaldus Trump rettulit, milites ad fines territorii adcumulant.

Scripsit Andreas Nouocomensis