COMPREHENSIO AMERICANA

Narcoticorum mercator captus est

Eboracum Nouum. Praetor ciuitatis Boreoamericanae sequestre in ducem mercatorum narcoticorum territorii Orientalis indixit atque milites bona illius excipere iussit: "El Chapo" Hiberico sermone ille Ioachimus Guzman nuncupatur. Guzman mercator narcoticus enim rem maximam familiarem cumulauit: XIII circiter nam miliardorum dollarorum mercibus suis uenditis congessit, quibus classem aeronauium atque nauium maritimorum instruxit; rebus propterea omnibus apparabatur. Milites Boreoamericani eum hodie comprehenderunt: coram praetoribus iudicabitur, sed ergastoli sine dubio condemnabitur. Cum ille narcotica permulta uendidit, ut ille primus mercatorum factus sit, tum crimina nefasta ac scelera perpetrauit: non modo enim inimicos suos ipse interfecit, sed stupra quoque suppliciaque innumerabilia in obstantes. Die XV ante Kalendas Augustas sententiam suam iudices pronuntiabunt, cuius exitus ante diximus.

Scripsit Andreas Nouocomensis