IUNO PROSOPOBIBLIO FAVET

Iuno Moneta adiuuit Marcum Zuckerberg

Libra. Nomen ipsum trutinis adnuit, ut Moneta (scil. electronice) ipso Visuslibro adridet: ille rector ac conditor industriae retium sodalitatis Marcus Zuckerberg Americanus consilium suum nouum ac opus ostendit. Mercatum enim interretiale maxima adfert Propobiblio, cuius uis nondum in pecuniariis ac mercatoriis emendis aut ueneundis, sed summe in hominibus cogendis inest: amplissimo numero mortalium congesto, ille Marcus Zuckerberg denique suum nummum profundere potest; quo perhibito, mercatum suum electronicum ac societatem uenalem incohare quibit. Nummus ille electronicus omnibus assis erit uniuersalis, ut ille rector ait: omnia pecuniaria atqui mercatoria transigi licebit conscriptis uniuorsis.

Scripsit Andreas Nouocomensis