DE RE AUSTRIACA

Ministri abiuraunt

Turpe semper aliquid euenire potest et in Administrationibus sanctis, praeterimus de corruptis. Dux factionis conseruatiuae Austriacae Chrestianus Strache, qui et uices rei publicae regebat pro Ministro Primario, nudius tertius abiurauit: ille enim cum herede Russica effecit ut aerarium factionibus contra legem impleret; qua de causa ill, propagato crimine, eiurauit. Vna cum Ministro Strache, ut pollicitus est ille Minister Primarius Austriacus Kurz, omnes abdicarunt Ministri atque comitia noua indictum iri pronuntiantur. Pellicula nam illius magistratus scelera imprimuntur, quare nullo modo excusari potuit: a capite Sarmatico enim ille Strache pecuniam recepit Ebusi, ubi pelliculis imago sua accipitur; propterea, crimen "EbusiCancelli" nuncupauit.

Scripsit Andreas Nouocomensis