ABDICAVIT

De rebus Sudanensibus

Khartum. XXX post annos ille Praeses ad aeternum Sudanensis Omar al Bashir abdicauit: exercitus enim armatus Senatum circumdedit atque eum eiurare demum coegit. Princeps Congressus ad interim nouus creaturum iri dicitur atque multi Administrationis pristinae comprehenduntur a militibus ipsis, quorum potestas pollens II annorum tempus solium occupabit, ut ille Minister Defensionis rei publicae Awad Ibn Auf. Ille Praeses antiquus interea in carcere secreto atque ignoto detenebitur, ne tumultus se augere possint atque seditiones. Speculatorum postea corpus liberos futuros esse captiuos declarauit, quo maxime populus gauisus est, quamuis illi demonstrantes milites ipsos in tumultibus retinuerint. In tantis seditionibus, Consociatio Europaea per legatos ut pax praeseruetur maxime uniuersos exhortata est.

Scripsit Andreas Nouocomensis