PACTUM AMISSUM

De rebus adversis Boreoamericanis

Administratio Boreoamericana, per Praesidem Donaldum Trump recta, pactum de armamentis nuclearibus inhibendis, quod decennis superioribus anno MXMLXXXVII cum Ministro Primario Michaele Gorbachev obsignatum est, praetermissuros se declarauerunt: Russicam enim Administrationem pactiones antiquas uiolasse Actuarius Rei Publicae Michael Pompeius praedixit: "Adminsitratio Vladimiri Putin identidem ac saepe pactionis fidem abrupit, quod summum periculum in Administrationem Boreoamericanam inicit atque in eius securitatem: qua de causa Administratio Boreoamericana fidem suam abnegat atque pedibus iam cedere censuit. Nos enim uim Societatis Atlanticae tueri cupimus ac firmitatem nostram ob Administrationem Sarmaticam minime amittemus." Cui Minister Externorum Sarmaticus Maria Zakharova: "Administratio Russica responsum his iniuriis eadem mensura datura est."

Scripsit Andreas Nouocomensis