Annus
2 0 1 9


Societas haud Administratiua "Obliuio Internationalis" accusam de re migrantium atque de modo suo in re gerenda in Administratores Consocietatis Europaeae adiecit: "Aequum modum agendi in migrantes minime conspicere possumus: nemo enim curat ut migrantes in oris et portibus Lybicis, minime certis, exquirantur atque examinentur, quis eos ad fines Europaeos promittat prorsus nescimus ac minime peruestigamus. Europaeae Administrationi nulla est cura uitarum migrantium, qui altum per mare inter fluctus relinquuntur." Acerrima uerba Societatis de iuribus hominum curandis, sed curator migrationum Matthaeus de Bellis addidit: "Ministri Primarii atque Praesides Nationum Europaearum de quo sit peior erga profugos certare desinant! Rectores praeterea Consocietatis Europaeae tandem consulant ut leges de migrantibus accipiedis atque tractandis edicantur!" Itaque ille curator fortiter exhortatus est.

Scripsit Andreas Nouocomensis



Retro ad:

Novissima editio
Summum paginae