Quidam venator Americanus nomine David Berry Minor (Anglice “Junior”) pelliculam cinematographicam notissimam titulo “Bambi” spectare iussus est non minus quam semel in mense dum incarceratus.

Accusatores dixerunt David magnum numerum animalium occidisse sed solum capita tollit cum cadavera ad putescendum relinqueret.

Biocolytae naturae protectionis hoc facinus inter gravissima in civitatis historia esse dixerunt.

Tres alii propinqui et alter vir etiam convicti sunt; plus quam 50,000 dollaria solvere iussi sunt. David etiam iudicium CXX dierum datum est ob transgressionem de armis igniferis.

“Bambi” est pellicula Americana de hinnuleo cuius mater ab venatore occisa est.

Scripsit Stephanus Rex