DEMUM BRACHIA APERIUNTUR

Nauis tandem ab Hispania accepta

Societas Haud Administratiua "Brachia Aperias" nauem suam "Proactiuam" in portum quendam demum adligare potest, at minime Italicum uel Melitae: Madriti tantum Administratio migrantes CCC naue instantes accepit oris suis, cum Adminstratio Italica atque Melitensis eos excipere reiecerint ac fortiter; Administratio Melitensis enim cibum ac sarcinas siue inpedimenta cuiuscuius generis praebere denegauit, dum Minister Externorum Matthaeus Saluini: "Portus Italici mercetoribus hominum atque eorum sociis secluduntur!" praedixit. Rector Societatis Oscarus Camps attamen ardue Ministro Italico respondet: "Actiones tuas, Matthae, nunc aestimat plebs, sed sucessores tuos pollentissime pudebit!" quae omnia animum Ministri minime aduertunt, ut ille paulo post protulit.

Scripsit Andreas Nouocomensis