SENATUSCONSULTUM POLLENTIUM

Aliquid ab Americae Meridionalis conventu

Bonae Aurae. Annuus conuentus Magnarum XX Potestatum hodie in Capite Argentino incepit, simul et lites aliis partibus exoriuntur: Donaldum Trump Praesidem enim consessus exsecrari omnes sciunt ac res gestae a Praeside Vladimiro Putin Sarmatico in Regione Scythia de nauibus tribus comprehensis pessimi aestimauit; multationes nouae in Russicam Administrationem ab Europa coniectum iri Praeses Donaldus Tusk pro certo pronuntiauit Ministerque Primarius Scythiae homines Russici ut introeant inpeditum iri. Minister interea Emmanuel Macron quaestiones instruendas quam celerrime ut sicarii diurnarii Khashoggi inueniantur ac comprehendantur sententia sua exposuit atque de conflictibus exsoluendis in Arabia Felici sermonem habuit. Administratio Canadensis pacta mercatoria cum Boreoamerica atque Mexico redintegrauit; cras de bello mercatorio inter Sinam ac Ciuitates Coniunctas Americae disputabitur.

Scripsit Andreas Nouocomensis