Lybia. Seditiosi, qui annis superioribus atque proximis rebelliones in Administrationem Lybicam perduxerunt, novum impetum in Regionem Syrticam, quam Carthaginenses "Oean" vocabant, pronuntiarunt; Cohors Septuma maxime impetum in civitatem se acturam proclamavit. Minister Primarius ad tempus Sarraj periculi supremi concitationem in loco promovit propter proelia, quae civitati circumstant: "Conclamationem periculi ob concertationes prope urbem induxi, ut cives intueri liceat." Septuma Cohors se minime desituram declaravit, usque ad fugam Militum omnium ex urbe post obsessionem ac praebitionem securitatis omnis spatii belli, ut Abdel Rahim al Kani, imperator seditiosorum Cohortis, praedixit, una cum nunciis impetuum in aeriportum ac castra Militum. Consocietas Nationum severe facinora in Regione Syrtica perpetrata condemnavit, ac Actuarius Generalis Gutierres fortiter omnes exhortatur ut placide pax a partibus pancta sit. Scripsit Andreas Novocomensis
|
