Boreoamerica. Praeses Donaldus Trump novum consilium civibus suis hodie ostendit: in voluntate sua abrogatio legum a Praeside anteriore Baracko Obama creatarum sub nomine "Ratione de Potentiis Energeticis Mundandis", ut carbonis exspirationes fortiter terminis circumscriberentur, inest. Praeses Trump isto pacto limites industriosis Boreoamericanis ingestos delere cupit.
Regiones nonnullae Boreoamericanae (Regio NewYorkensis, Californiana, Mexicana Nova maxime, sed multae opus daturas se declaraverunt ) una cum Consociationibus Americanis nonnullis, quorum Industria de Oecologia Tuenda summum dedit opus, accusationes futuras congesturas esse se ipsas praedixerunt. Scripsit Andreas Novocomensis
|
