In regionem Indicam Keralam hiems calida vim tantam hodie incussit, ut aquae de caelis in terram abripuerint, domos et homines labefactantes. Permulti in hac tempestate in numero mortuorum cumulantur: CLXIV nunc interisse putantur, sed enumerare nondum licet. Perfugae a domibus suis maximo numero effluerunt: CL milia numerantur, qui ad hospitia multa (CXX) affluerunt, non modo vi sua, sed auxilio Militum Civilium DXL ab Administratione Nationis praebitorum. Sed usque ad diem decimum tertium ante Kalendas Septembres fortiter pluit, ut meteorologi praedicunt. Haec maxima et internecivissima tempestatum in historia regionis a studiis temporis inceptis existimata est. Scripsit Andreas Novocomensis
|
