In regione Attica Orientali multae exustiones locum deleverunt. Horas duodecim flammae deflagraverunt, ubi permulti perierunt: LXX homines in incendiis perisse scitur. Praeterea magis quam DL homines vulnerati sunt, dum milia hominum in cymbas et ad oras se coniecerunt, effugiendi causa flammis.
Legatus Italicus Athenis Ephisius Marras auxilium Italicum Hellenicis praebuit, ut ad locum aerimoviles aquigeros "Canadair" immittantur ad incendia placanda. Minister etiam Turcus Erdogan Ministrum Graium Tsipras telephonice advocavit de auxilio gerendo. Deflagrationes diffusae haud semotae, sed dolo excitatae putantur. Scripsit Andreas Novocomensis
|
