Missilia a Nationibus maximi momenti in toto orbe (Francogallia, Britannia et summe Civitatibus Coniunctis Americae) hodie, ut Praeses Americanus Donaldus Trump diebus superioribus pronuntiavisse retulimus, tandem contra locos militares Syriacos, ubi armamenta alchemica immanere existimantur, coniecta sunt. Praeses Boreoamericae consilium suum publice sere quam acerrime patefecit: ”Actiones saevissimas Dictatoris Hassad vindicare. Monstri qui cives suos occidit.”
Responsa Russica protine advenerunt. In Consilio de Securitate Praebenda apud Consociationem Nationum legatus perpetuus Sarmaticus Basilius Nebenzya “aggressioni Americanae” summopere deprecatus est. Sed Consociatio Nationum ipsa solutionem Russicam recusandi actiones Boreoamericanas, “ius inter Nationes violantes”, fortiter detractavit. Minister Primarius Italicus ad tempus Paulus Gentiloni a consiliis Boreoamericanis Nationem suam lonhe tenuit bellaque universa se recusare Italiamque suam declaravit. Scripsit Andreas Novocomensis
|
