Boreoamerica. In capite Californiano Sacramento septumana superiore iuvenis Afroamericanus XXII annos natus haud arma congerens in proelio scloptetorum, dum aviae in horto inerat, a Militia Civili Americana necatus est. Milites ipsi non modo disploserunt, sed persecuti sunt et, adulescente capto, in numero XX missilia iniecerunt. Non armamenta secum, ut milites “putavisse” dixerunt, sed iPhonium in manibus tenebat. Rector Militiae Civilis urbis curas exposuit suas de re et de futuris conflictibus post eam. Interim, hodie apud Praefecturam civitatis demonstrationes fuerunt. Scripsit Andreas Novocomensis
|
