De patribus familias celebratis ...

... haud usquequaque die XIX mensis Martii.

Die hodierno ecclesia catholica sollemnitate celebrat sanctum Josephum sponsum Mariae Virginis; apud Hispanos, Lusitanos et Italicos eodem die etiam patres familias honori habentur. Cultus erga Josephum, qui ut Jesu pater se gessit, saeculo XIV tantum a monachis Benedectinis creatus est; anno MCCCCLXXIX pontifex Romanus Sixtus IV sollemnitatem die undevicesimo mensis Martii instituit, cuim Josephus ipse diem supremum obiisse tradiitum erat. Saeculo XIX factus est Josephus patronus Mexici, Canadae et Belgicae, ab anno MXMLV Kalendis Maiis vero patronus artificum.

Patrum familias celebratio apud Germanos die Ascensionis Jesu habetur; dies illa etiam "Virorum dies" ad hoc appellatur et ebrietate immodica quotannis agitur.

In Civitatibus Americae Unitis tertio mensis Junii die Solis quotannis ab anno MCMX patrum dies festus celebratur; Sonorae Smart Dodd mulieris cuiusdam pater enim uxorem natum sextum parientem amiserat ideoque omnes liberos solus educaverat.

Scripsit Herimannus Novocomensis